Ajoqit - Atorfinitsitaasarneq suliassallu pillugit malittarisassat
Kapitali 1
Ajoqit atorfinitsitaasarnissaat.

§ 1. Ajoqit ajoqiunerillu ajoqissatut ilinniarsimasut vicibiskoppimit atorfinitsinneqartassapput, palaseqarfiup palasiata provstini isumasioreerlugu inassuteqarneratigut.

Imm. 2. Ilinniarsimasumik pissaqanngikkallarnermi palaseqarfiup palasia ilinniarsimanngikkaluartumik atorfinitsitsinissamik siunnersuuteqarsinnaavoq imm. 1-mi periaaserineqaqqusaasoq malillugu.

Kapitali 2
Ajoqit suliassaat.

§ 2. Ajoqit ilagiinni suliassaat makkuupput:

A. Sapaatini nalliuttunilu ullo'qeqqata siornagut ilagiit naalagiarfisartagaasigut naalagiartoqartarnissaa.

B. Nunaqarfigisami ileqquusutut Adventip sapaataasa, anniarsiorfiillu atuunnerini nalliuttorsuarnilu unnukkut naalagiartoqartarnissaa.

C. Orninneqartariaqartut ornillugit naalagiartinneqartarnissaat.

D. Ilisineq.

E. Nerliiviliartitsineq. Tassani eqqarsaatigineqarput palasip sivisuumik ornigussinnaanngikkallarnerani palaseqanngikkallarnermiluunniit ilagiit kissaateqarnerisigut ajoqiunerup/ajoqip biskoppimit immikkut akuerineqartumik nerliiviliartitsisinnaanera. Taamaattorli napparsimaruluttunik nerliiviliarumalluni qinnuteqartoqarpat immikkut akuerineqaqqaarnissaq pisariaqassanngilaq.

§ 3. Ajoqitut ilinniartitaasimasup ilinniarsimanngikkaluarlunilu atorfinitsitaasimasup  § 2-mi taaneqartunik tamanik suliarinninnermini ajoqitut ilisarnaatitik, annoraaq qilerniusarlu, tamatigut atortassavaat.

§ 4. Ingertsinermi suliassat.

1. Naalagiartarfinnik, taakkunanilu sulisorisanik nakkutilliineq.

2. Suliat palaseqarfimmut nalunaarutigisariaqartortaasa, inunngortut, kuisittut atserneqartullu; ilisinerit katerusertullu nalunaarutigineqartarnissaat.
Ilisisoqartareeraangallu ilisaasut iliveqarfeqarnermi allattaavinnut allanneqartarnissaat.
   Sianigisariaqarluinnartut ilaattut taaneqassaaq atsiunneqarsinnaasut allassimaffianni allassimanngitsunik atsiiniartoqartillugu kateruserumasoqartillugulu tamatigut palasi attavigineqaqqaartassasoq.

3. Oqaluffiit nakkaatitsivii atorlugit katersuiniarsimatilluni, palaseqarfigisami periaasereqqusaasoq malillugu periarfissaq siulleq atorlugu katersukkat nassiunneqartarnissaat.

Nuuk, ulloq 12.April 1991.

Kristian Mørch
 
Panel title

© 2017 ajoqit

Antal besøg: 216318

Lav en gratis hjemmeside på Freewebsite-service.com

Editing

-0,87439608573914sekunder